雅虎香港財經 
外國研究：打工仔賣笑 背後情緒不道德
為咗份糧，唔少打工仔女晚晚OT，出賣寶貴嘅時間都未夠，就算心情唔好，返工仲要「賣笑」扮開心，怕一黑面俾人講閒話。
但據Michigan State University一項研究指，打工仔女人前強顏歡笑，背後情緒不道德之餘，更反映當事人，會在工作上做出不道德行為，例如搶人功勞、隱瞞錯誤、將錯誤推落無辜同事身上、拖長工作攞加班費等；或者對客戶誇大或歪曲事實等等。
據了解，研究對象正正是平日需要在人面前扮「正能量」嘅從業員，包括sales、收銀同侍應。
但一個人無可能任何時刻都開心，研究人員指，打工仔女要扮開心，通常會透過以下兩種方法來假扮幸福：
1.表面表現：
顧名思義，就係打工仔只靠抑壓內心實際情感，笑容全靠演技，並無一絲快感。
2.深度表現：
不靠抑壓，而係靠回憶錯覺，藉回憶過往愉快記憶，尋找開心感覺，從而展現虛偽的微笑。
研究人員提醒，當工作上無法表達自己真正感受時，就算要強顏歡笑，都盡量用「深度表現」，而唔好單靠抑壓自己內心。不過長遠而言，都係會導致情緒落差更大，結果更加傷神，承受更大壓力，變得更唔開心。
所以，最好就係唔使強顏歡笑啦﹗
來源：ClickOn Detroit
===================
19網輕鬆爆料熱線，歡迎舉報老細同事19惡行，立即click入去講畀我哋知啦
