香港股市 將收市,收市時間:4 小時 6 分鐘

外國研究:每晚只睡五小時 早死風險高65%

最近又世界盃又要趕Job,瞓3粒鐘就要返工,如果返到公司烏眉瞌睡認錯老細,都幾大鑊。 但原來,就算畀你返到公司無出錯,唔夠瞓時,身體都會有危機。 話說今年5月,《睡眠研究期刊》(Journal of Sleep Research)刊登過一篇睡眠研究,研究人員花13年時間,找來38000名瑞典成年人,研究睡眠同死亡率嘅關係。

結果發現,每晚只瞓到5粒鐘或更少嘅人,同瞓足7粒鐘嘅人比較,早死風險高出65%﹗(65歲以上成年人不適用) 不過研究又發現,唔夠瞓嘅人只要週末補眠,早死風險就會減低。換言之,如果平日唔太夠瞓,週末最好唔出街,盡情瞓一瞓。

[caption id="attachment_33464" align="aligncenter" width="883"] 每逢有國際賽事,全世界都唔夠瞓。[/caption] 至於香港又點呢?唔使講,睇個樣都知香港人唔夠瞓,睡眠質素又唔好。之前筆者同研究睡眠與床褥數十年嘅睡眠專家許章榮博士傾過,對香港人嚟講,補眠係重中之重,而佢自己,就習慣食完lunch後,花15至20分鐘補充睡眠,個人瞓醒後,就會有大改變。

許博士認為,唔夠瞓有唔少壞處,外國就曾經做過實驗,找10個大人研究,研究人員先讓一半人有充足睡眠,另一半人去賭場玩通宵;翌日進行炒寫測試時,唔夠瞓嘅人,一般都表現較差。

又有另一個研究,一堆BB玩完一件玩具後,部份BB瞌一瞌,部份BB唔瞓,結果發現,補眠過嘅BB,因為加強咗記憶,一瞓醒就識玩件玩具,反而無瞓到嘅BB,竟然唔記得晒點玩﹗情況就好似,連Excel個Icon喺邊都搵唔到一樣﹗

[caption id="attachment_33462" align="aligncenter" width="677"] 研究睡眠與床褥數十年的睡眠專家許章榮博士講,如果講究睡眠質素,枕頭、床褥、室溫同心情,通通都要配合。[/caption]   [caption id="attachment_33466" align="aligncenter" width="855"] 返到公司,邊有咁精神﹗[/caption]

唔知政府會唔會投放資源,幫打工仔向老闆們施壓,推動全民工時睡眠呢?唔夠瞓返到公司,唔好話死亡率高啦,真係會失晒憶㗎﹗

來源:Sleep duration and mortality – Does weekend sleep matter【相關搜尋】前蘇聯睡眠剝奪實驗

===================

19網輕鬆爆料熱線,歡迎舉報老細同事19惡行,立即click入去講畀我哋知啦