外國Bartender轉型 Skype開調酒班
全球酒吧業均迎來寒冬,除了香港業界大聲疾呼「禁賣酒等同叫執笠」,外國都一樣陷入失業危機,疫情下有5百至7百萬間餐廳即將結業,由於外國酒吧目前只容許客人外賣,故此預計大批Bartender將於3個月內失業。
失業可以點轉型?邊份工抗疫能力較高,係好多人近月都不斷思考的難題,之不過,路不轉人轉,有外國Bartender選擇樂觀面對,仲選擇網上開班,教人調酒。
在紐約Saratoga Springs做Bartender多年的Scensny,同樣面對酒吧至少要關閉兩個月的失業問題。正因為離開了自己的職業,他開始重新思考搵錢方法。
很多人都因為今次疫情重新定位,他亦一樣,外賣啤酒唔得,他就想到了透過Skype開調酒班,以每位6美元,網上教授大家在疫情下,如何在家也能飲到美酒。
初時他只抱嘗試心態,點知學費源源不絕,甚至有人「打賞」50美元報班,結果兩日之內,他就收到了1500美元學費,如果每星期都有同樣收入,月入便已經有6000美元,相當理想。
呢位Bartender仲希望透過報道,勸失業人士特別是他的同業,快點想辦法,坐言起行搵錢。
希望香港酒吧業員工,都可以參考一下,嘗試全面拓展網上教授,分別只是另外配合物流,將酒水送到府上而已。
當然,Bartender只是虛擬世界的其中一個最新例子,每個屬「民藝」的職業,都有可能開展網上直營,以前是化妝、補習、打機,今後可能茶記沖奶茶都可以網上開班。
來源:cnbc
===============
精選資訊網站「中環街市」 臉書粉絲頁