大吉利是?|馬會國慶賽馬日送書包被鬧爆 吉祥物似鹿多過似馬?
博彩最講求運氣,作為馬迷或多或少都會信邪,賽馬當日盡量唔講個書(諧音:輸)字,而且唔買書亦唔睇書。不過馬會就似乎百無禁忌,以贈送「書包」吸引公眾入場觀賞國慶賽馬日,隨即俾人鬧爆唔老嚟!
2022年國慶賽馬日將於10月1日在沙田馬場隆重舉行,為吸引馬迷入場觀戰,日前馬會宣布向每位入場人士贈送「潮流背包」乙個,先到先得,送完即止。雖然官方講到明係背包,但唔少信邪嘅馬迷就認為背包等同書包,有「包輸」嘅意思,非常唔老嚟。
話說如此,但從馬會登記網站可見,有關獎賞登記現已額滿截止。
除此之外,馬會今年嘅國慶吉祥物「小龍馬」亦引起唔少討論。據官方介紹,「小馬龍」由藝術家馬興文創作,靈感源自中國古代神獸龍馬,以現代手法展現中華文化,係希望嘅象徵。不過網民似乎就唔多認同,唔理解馬匹點解會有「鹿角」,笑指馬會「指鹿為馬」。
Source:綜合報道
Text by FORTUNE INSIGHT
Fortune Insight 聯乘 《華爾街日報》推出全新訂閱計劃「FI Prime Plus」,只需WSJ官網原價三分一價錢,即可同時暢讀《華爾街日報》全網內容和Fortune Insight大部份收費內容
按此訂閱:https://prime.fortuneinsight.com/web/wsjSubscribe FORTUNE INSIGHT Telegram:
http://bit.ly/2M63TROSubscribe FORTUNE INSIGHT YouTube channel:
http://bit.ly/2FgJTen