雅虎香港財經 
幾十萬首期 10年變千萬資產?
朋友： 「真係唔明點解?朋友咁後生就諗買樓。」
朋友： 「真係唔明點解?朋友咁後生就諗買樓。」
筆者： 「你冇諗咩？」
朋友： 「我同屋企住好地地，未有耐結婚，根本冇需要。」
筆者： 「到你有需要?時候就太遲啦！」
朋友： 「點解呢？」
筆者： 「學你話齋，結婚、生仔先有需要係咪？」
朋友： 「係丫。」
筆者： 「老婆、仔女…即是要兩房、三房喎。」
朋友： 「係丫。」
筆者： 「一?就要兩、三房，二手都5、6百萬喎。」
朋友： 「咁可以點？」
筆者： 「及早起步！由細單位開始，將來更輕鬆！」
文：1%Anthony
延伸閱讀：
越早起步 越輕鬆投資
買樓是長期作戰，無數成功投資者，都是從細起步。分享一個幾年前幫巴打買筍盤的故事！幾年前某天，巴打跟筆者說：「我打算過兩、三年結婚，老婆想買層新新??兩房單位，不過而家樓價咁貴，我諗都冇乜希望。」筆者即時彈起：「好在你早同我講，定！幫你諗掂佢！」於是筆者就開始為巴打的人生規劃……
3次槓桿，10年內，15萬首期，應該可以變過千萬資產！當然今時今日樓價貴?，起步15萬未必得，要40萬左右。當然不是盲中中就做到，第一，要識捕捉機會，要識買低水筍盤，又住又賺！第二，要識得運用按揭槓桿，平衡風險，以小搏大！
Step 1：由細單位起步，用盡槓桿，又住又賺！當時是2012年，巴打租住荃灣套房，月租3,500元，以為只要節衣縮食，慳得就慳，有朝一日就可以儲夠首期，買靚屋，娶老婆。少年太年輕了，筆者覺得唔對路，其實計落，買樓仲有著數！
筆者幫他在長沙灣買入一個上車筍盤，面積僅240呎，約150萬，用盡槓桿，借盡9成，首期僅15萬，月供6,000多元，當中利息約3,000元而已，仲平過租套房。當時SSD只需要2年，由於價筍、區靚、細價樓當打，兩年多後就以240萬出售，兩年升6成，連同賺幅、兩年多供款，15萬首期變了約120萬。
Step 2：沽出細單位，用盡槓桿，換大單位，加大陸樓！賺了第一桶金，如何再變大呢？當年巴打抽居屋綠悠雅苑，原本位置不算前，好彩！政府推出3D辣招，市場出現明顯調整，逾一半中籤者放棄，乜鬼剛性需求都忽然消失，巴打成功上樓。全新樓，單位面積大?超過一倍！
530呎、兩房一廳，僅350萬，當然又用盡槓桿，借盡9成，首期僅35萬，最驚喜的是，交樓質素接近私樓，今時今日居屋交樓乜都冇，綠悠雅苑卻包全屋精裝修，廚廁設備及冷氣齊，有露台工作平台，仲未算…竟然仲要有會所！健身室、K房、宴會廳、平台花園等，呎價只是6,000多元，超筍！之前賣樓手上有近120萬，俾完首期之後，唔止夠錢擺酒、渡蜜月，口袋仲淨番幾十萬。安頓好之後，再跟筆者去珠海買?個單位，跟筆者的單位差不多，樓價約70萬，在大陸銀行借盡七成按揭，首期只需20多萬，現價約170萬。
Step 3：自住單位，發揮槓桿，再開二，步向千萬資產！下一步會怎麼做呢？自住單位禁售期未過，純粹諗?開心?！以現時區內新式屋苑的兩房單位，呎價約1.6萬計算，7折計算，呎價約1.1萬，綠表價約600萬，如果遇上心急買樓的富戶，或者可以再賣高少少，哈哈！若賣出單位，連同首期及幾年供款，應可取回320多萬。
拆啦！拆開夫婦兩個人名，其中一個人名，可以用盡槓桿，借盡8成，以大約120萬首期，買一個約600萬的筍盤自住。餘下約200萬可以用另一個人名，買一個細單位收租。若有餘錢可以再考慮投資多層大陸樓或工廈，兩層香港樓，兩層大陸樓或工廈，資產值逾千萬應該冇問題了。
或者有網友會問：「個市係咁升，賣?買唔番點算？」文章一開始的時候已經提過，不是盲中中就可以做到，用家買賣經驗少，捉唔到市場節奏可以理解，投資者每天在市場中打滾，甚麼時候該買，甚麼時候該賣，如何劈價，如何發揮槓桿，胸有成竹。必須要裝備好自己，機會留給有準備的人。
延伸閱讀：
