香港股市 將在 43 分鐘 開市

【扮工收風】上司都唔想有裙腳仔

做管理層嘅朋友,諗住請個可以自己獨立做嘢嘅下屬,點知下屬唔單止做唔到果斷決定、仲剩係識跟出跟入,搞到佢非常困擾。唔信聽吓佢以下事迹:

1)見到上司出去開會,十次有十次都會截停上司,問自己使唔使跟埋去。

2)上司已經講明唔使跟,但佢會死問:「咁如果我都想跟,可唔可以?」

3)簡單約個會都砌唔掂時間表,一日改上司時間表3次或以上。

4email交完一份文件,然後至少補交3revised版本,改完又改。

5)日日等上司收工肯收工,但明明冇嘢做。

6)上司走又死跟住走,明明唔同路都要死跟。

重點係呢位下屬唔係低rank,假假哋都叫高級主任,但做嘅嘢咁低層次,係咪令人反晒白眼呢?

===================

19網輕鬆爆料熱線,歡迎舉報老細同事19惡行,立即click入去講畀我哋知啦