香港股市 將收市,收市時間:5 小時 5 分鐘

【扮工收風】酒店叫員工過夜 今日準時返工

今日係發起全港罷工嘅日子,各行各業都嚴陣以待,除咗出晒email叫大家睇情況彈性返工之餘,聽聞連機管局都出咗email,要部分航空公司cancel一半機,因為Tower唔夠人返工。 

之但係小編知道,唔少公司對於罷工呢樣嘢,絕對係無咁順攤。部分部門為咗確保員工今日無懼堵塞交通,準時返工,已經幫員工諗晒方法。 

就好似有酒店為咗確保同事準時返工,竟然安排同事前一晚入住酒店空房,然後今日準時返工,出到呢一招,認真絕呀! 

亦有老闆一早下旨,同員工放話:「係人都知85日有人會阻你返工,但我唔理,你哋自己諗辦法返,5點出門口、比平時早一個鐘返工、一早飛的返工、住朋友屋企,咩都好,總之93要見到大家坐晒喺位。 

究竟今日有幾多人準時返到工?用咗咩絕技?可唔可以舉起隻手睇吓?

===================

19網輕鬆爆料熱線,歡迎舉報老細同事19惡行,立即click入去講畀我哋知啦