【扮工討論】「888」才是工時的黃金比例？

呢兩日內地爭議「996」，亦即朝九晚九，中午和傍晚休息一小時，一星期工作六日嘅「地獄級」時間表，就連內地網民都大罵係非人生活。

事緣阿里巴巴創辦人馬雲話，能做996是巨大的福氣，好多人想加班都沒有機會。

其實，「996」並唔係新鮮事；外國18世紀工業革命之時，好多廠為提高產能，每日工時10至16小時比比皆是，所以先有後來英國企業家Robert Owen提出嘅「朝九晚五」，改革為8小時工作制度沿用至今。

8小時工作制度，以時間分割嚟講即係「888」，當年理念係「8小時工作、8小時娛樂、8小時休息」，而首間引入「888」嘅企業，係一間叫Ford Motor Company嘅公司，於1914年引入「888」，唔只朝九晚五，仲加員工「雙工」，令到員工生產力大增。

就工時討論，近年仲發展到「888」都不合時宜了，應該4小時工作才有效率，只係因為「888」仍然黃金比例，所以短期內都難被取代。

如果根據外國近年研究，打工仔要管理嘅，其實係自己嘅狀態，而唔係時間，有專家就提出過，要將自己嘅時間表，切成每90分鐘一part，中間夾著20分鐘休息，所以理論上係可以好似馬雲咁，每日開工超過10小時，前題係你要有充足嘅小息時間。

早年有份報告，甚至話根據人類大腦嘅作息，應該以每工作52分鐘，就休息17分鐘咁返工，先係最好，情況就好似以前讀書，隔一段時間就有小休。

其中道理都係返工唔應該「持續返工」，應該做一陣hea一陣，份工先做得長久。

或者咁講，小編覺得只要有小息，工時長少少無咩所謂，工時長最緊要有錢，無錢工時長先最搵笨。

===================

19網輕鬆爆料熱線，歡迎舉報老細同事19惡行，立即click入去講畀我哋知啦