【搵工攻略】經Agent搵工究竟有冇Jetso?
每一次見工,都係對打工仔自信及耐性的挑戰。最近討論區上面就有人討論,究竟應唔應該經agent搵工?當中有冇一些Jetso? 成功率會唔會大一些。網民意見有正有反,但唔少都有一些參考價值,有意搵工的打工仔不妨睇一睇。
經agent搵工好處:
1.依家好多擺上求職網的工都係雞肋,人工唔係高、title唔係好,因為大大小小的機構現在都中意搵recruitment agency幫手,利用佢哋手上的人才庫,尋找合適的人才。所以你如果將CV交俾agent,等於多咗好多見工的可能。
2.中介公司主要食僱主錢,唔係食打工仔錢,仲會幫你計糧做埋admin work ,打工仔攤開雙手有工in,何樂而不為?
3.一般人事agent 或headhunter 幫僱主請到人後會向僱主收取某一個數目,例如一個月兩個月人工當報酬,理論上,agent有誘因幫打工仔爭取高人工,因為佣金會多了。
壞處:
1.唔少agent當正自己專家,經常有意無意串打工仔。例如我嗱住打工仔份cv嫌三嫌四,左一句「Jumpy」、右一句「大想頭」、上一句「你咁好難叫僱主請你囉」、下一句「HR彈返你份CV返來呀」,結果令求職者冇晒自信。
2.Agent 只係當打工仔係一件貨!而Agent 貨多,可以在最短時間提供最多貨俾公司選擇,公司大咗機會搵到最啱用的人,所以唔介意俾錢 Agent 賺。而打工仔只係眾多貨辦裡面其中一件,你自己出去搵工,競爭對手可能十個以下;你搵 Agent,單係agent個pool 的競爭對手可能就有二三十個,成功機會邊個大啲?
3.Agent質素愈來愈參差,明明打工仔做開前線,都硬夾塞佢見後勤做文書,似湊夠人數交貨,浪費求職者時間。
小編有朋友將CV俾咗agent之後,到依家一次面試機會都無。所以大家搵agent之前,真係諗清楚先好。
來源:香討
19+精選推介
秒like 19+ Facebook!
===================
19網輕鬆爆料熱線,歡迎舉報老細同事19惡行,立即click入去講畀我哋知啦