雅虎香港財經 港女講日
港女講日：「已讀不回」係一種折磨？日本妹勸喻:男友唔覆唔好再死纏難打
切忌咄咄逼人!男友睇完唔覆訊息時，唔好做呢6種回應…
自從WhatsApp等即時通訊軟件加入已讀顯示功能，都唔知令幾多對情侶、夫婦、朋友鬧交收場，最近台灣有一宗特別案件，一名婦人以老公經常已讀不回作為理由申請離婚，更被法官批准!可見「已讀不回」影響力有幾大!
雖然好多時對方已讀不回個心都會酸一酸，但有時可能係自己有問題令對方不想覆!日本網站《オトメスゴレン》列出女生於男方唔覆訊息時經常做嘅回應，令對方好反感。
1. 窮追猛打
女人天性多疑，男友隔咗咁耐都未睇未覆，就覺得佢有古怪唔知瞞住自己做啲乜，於是狂send文字、emoji甚至勁留語音訊息…其實對方可能只係行開咗、電話收唔到又或者唔方便覆message，窮追猛打都冇用，chur佢只會令大家關係變差。
2.「而家忙唔忙?」、「而家做緊乜?」
問對方忙唔忙，令人覺得你有急事要即刻講，好似逼對方一定要即刻覆你咁。但好多時女人只係見對方冇回應覺得無聊，想搵人傾計解悶。至於成日問對方做緊乜，會令男人覺得你好似審犯，冇哂自由。
3.「點解唔覆我message?」
語氣帶有質問嘅感覺，搞到變咗係對方做錯事咁，男人會覺得你無理取鬧。不如試吓用婉轉方式表達，例如「你咁耐唔覆我，好寂寞!(加個慘樣emoji)」，男人認為你係撒嬌唔係發嬲，話唔定即覆!
4.「你唔覆就算啦!」
夾硬逼人覆…公主病性格表露無遺……
