雅虎香港財經 
特首贈貼士 要拍港版「號手就位」？
近來曝光率急升杜Sir，大家都期待他與電盈合資的作品問世，今日就由特首曲線畀貼士，建議杜Sir港版「號手就位」。
最鍾意工作的特首，當被記者問到有無睇人氣劇《大叔的愛》，她就破天荒同大家講電視，更推介在官台播放的內地劇《號手就位》。以特首身分推介官台節目合情合理，而且《號手就位》的確係好嘢。既有男生最愛的軍事元素，劇中大兵人人打扮都係戶外軍事風，加上劇中主線係講新兵與「陳年老兵」相處上的痛點，亦點中全球大城市均面對的世代矛盾問題。由特首「帶風向」煲國劇，若有相關周邊仿效「中國不吃這一套」推出產品肯定大賣。
美股、外匯、加密貨幣免費即時報價，自選投資組合獲取相關新聞提示
公營機構「號手就位」
與其再翻炒《大叔的愛》劇場版，杜Sir團隊倒不如參考《號手就位》的成功元素籌備港版並易名「大叔就位」，發揚本港「溝埋做瀨尿牛丸」精神。
由於港人無得當兵，最正路是改為辦公室處境奮鬥劇，由各大公營機構例如中電（0002HK）、港鐵（0066HK）等大批中層大叔出演，主力刻劃該些行業「陳年老兵」大叔們的血淚故事，例如點解咁多年都無得升，平日悶中一點甜是甚麼等等。
早前捲入公關災難的維他奶，亦可趁機邀中高層分飾一角「洗底」，刻劃企業大叔與小鮮肉同事在工作上不打不相識，最後大義滅親的故事；大家唔知有無發現，近年港鐵缺乏了一個自家的宣傳吉祥物，假如「大叔就位」直接以港鐵辦公室為舞台，話唔定可以趁劇中角色爆紅，順勢搵埋新代言人。
網民：Q房網點解會降KK職
參考《大叔的愛》播完後網民連「Q房網點解會降KK職」都引來熱話，成為Q房招聘踏板，如果「大叔就位」可以拍出美麗新香港下公營機構打工仔的躊躇與辛酸，ViuTV會唔會變得更加入屋呢？
相關報道：
