雅虎香港財經 
盤點超級比特幣苦主
港股表現勇猛，唔少人又會後悔放早咗甚至未上車，要平衡心理，不妨睇睇以下超級比特幣苦主，你點唔見錢應該都未必追得上佢哋損失。
史上最貴密碼紙
頭兩位係近年比特幣大牛市都會有關注他們的近況，第一位係來自三藩市程式開發員Stefan Thomas。他之前儲落逾7000枚比特幣，為保險計於是為比特幣帳號設定勁複雜密碼，因為太複雜所以他就用紙記低，但他竟然遺失了這張至關重要嘅密碼紙。現在他只餘下兩次撞密碼機會，而持有比特幣身價達2.2億美元，唯有出重金搵高手，他表示只要有人成功破解就支付帳戶一成比特幣作報酬，但暫時未見有高手勇士出現。
身家被掉堆填區
第二位係來自英國代表James Howells，他在七年前不慎丟棄裝有7500枚比特幣硬碟，令這個寶藏被送到堆填區。他近日向當地市政府提出願意捐出四分一比特幣資產，讓他可以到堆填區尋寶。不過市政府認為容許佢「掘礦」都唔保證搵得到，但點都涉及幾百萬英鎊處理費，於是拒絕其建議。暫時James Howells仍只能遙望著堆填區感慨一番。
Mt.Gox或大手拋售比特幣
上述兩位苦主對比特幣投資者來講都係當食花生，但還有一批苦主可能為比特幣投資者帶來惡夢。話說2014年日本Mt.Gox平台被偷去85萬枚比特幣並因此宣布破產，近期客戶與該平台據報違成協議，客戶可取回九成比特幣損失。由於Mt.Gox仍持有13.7萬枚比特幣，估計為了填這筆賠償數Mt.Gox可能會大手拋售比特幣，涉及資金規模逾354億港元。以比特幣市場大上大落的特性，加上近日大行又轉口風唱淡比特幣，一旦成真，比特幣震落二萬多美元水平並唔出奇。揸住比特幣朋友要認真留意事態發展了。
這三位超級苦主，都提醒大家比特幣回報點勁點威脅黃金，但單係儲存都係一大隱憂，與其又要怕又要買，倒不如專心研究一下港股美股好過了？
相關報道：
【下載Yahoo財經APP】獲全球超過1700萬人信任的美股投資工具，跨平台同步你的投資組合，一APP掌握TSLA、AAPL、AMZN等美股最新走勢。
