香港股市 將在 5 小時 26 分鐘 開市

積蓄All-in盈富基金?當心恒指會變「紅指」

美團上市股價上衝,令不少人大跌眼鏡,另一亮點係美團符合恆生綜合指數快速納入指數要求,並極速在108日正式成為綜指成份股。先有小米,後有美團光速獲納入多隻指數,看似是大勢所趨,但亦提醒大家看似最穩陣的盈富基金,未來或會潛藏兩大風險。

盈富基金是本地最有代表性的港股ETF,每當恆指換馬,盈富都需要調整持股組合。公司市值及成交額是恆指篩走及換入成份股的重要因素,當內地巨企紛紛進駐港股市場時,恆指篩走本地企業換入內地企業就日漸成為新常態。例如早前老牌銀行股東亞及紅籌股先鋒招商局國際便被剔走,換入內地紡織股申洲國際及內地藥企股中生製藥。

此趨勢不變的話,恆指就變得越來越像「紅指」,走勢自然更容易緊扣內地經濟形勢又或國策變動,反而與環球經濟漸行漸遠,假如你仍抱著外圍經濟好可以放心押注盈富的話,是時候重新審視一番。

 

過去不少人放心把積蓄All-in盈富又或選擇月供盈富,其中一項誘因係盈富有息派。但假如越來越多內地企業晉身成份股,特別是同股不同權新經濟股,盈富派息就有大縮水風險。皆因內地不少巨企派息都唔多疏爽,亦唔興派中期息,更不要奢望像滙控、恆生般季季派息。新經濟股有同股不同權作護盾,可以大條道理把資金留作拓展業務,甚至像小米般派發天價獎金予管理層,至於派發高息,就成為一個永遠的願景。

若然在將來恆指成份股大部分都是這類低息內地巨企,傳統投資智慧下的盈富是否一項「可以放心買,唔使諗咁多」的投資工具將成為一大問號。

正所謂股場如職場,今時今日可以打足一世的工及揸足一世的股票已買少見少,盈富仍舊可以買,但持貨態度就不要像買古董般放在一邊不聞不問等升值了。

===============

財經精選資訊網站「中環街市」  臉書粉絲頁