雅虎香港財經 笑到最後｜中國人口下降的啟示（高明）
中國國家統計局公佈，中國人口由2021年嘅14.13億人下降至2022年嘅14.12億人，勞動人口約8.76億人，佔人口62%。
經濟發展導致生育率下降，已經唔係新鮮事好多香港人自封鄉下嘅日本，根據日本統計局的數據，日本生育率在近年一直保持喺1.4以下，意味著每個女性平均生育1.4個孩子。而人口老化亦係一個嚴重問題，目前日本65歲以上的人口比例已經超過25%。資料顯示2022年人口倒退0.53%。
日本在戰後經濟繁榮期間，日本的生育率及人口增長率都好高。然而，隨著經濟發展和社會變化，日本的生育率開始下降，並且在近年來一直保持在較低水平。同時，由於人口老化，日本的死亡率也開始增加。這導致日本的人口增長率逐漸下降，並在2010年轉為人口下降0.1%。趨勢一路持續，已知嘅日本fans Elon Musk都出過Tweet話一路落去數字上日本會冇哂人，好可惜。
發達國家影響微
人口下降可能會降低勞動力及消費者數量，影響產業發展和經濟增長。實際影響就係人工會變貴。亞洲最大優勢：一、人多；二、啲人為錢肯做嘢。同一件事可以搵嘅人多咗，變相人工唔易上升。倒轉角度去歐洲，整水喉收入多過做律師，日常生活嘅人工成本唔低，更遑論叫人做血汗工廠整iPhone ，以致血汗博士整半導體。呢啲就係人口紅利，人工貴有一啲投資自動排除。
日本係全球第三大經濟體，經濟增長同貿易對全球經濟有重要影響。人口下降會影響日本經濟增長和消費活動，進而影響全球經濟。更重要係，人口下降可影響日本外交政策，其他人口升緊嘅國家，會開始當人口下降嘅國家係「小國」。
至於全球股市方面，短期當然會帶嚟負面影響，但拉長美股照升，企業繼續搵其他市場，即係一個國家人口減少，唔會影響跨國企業全球搵平人工及消費力。
如果睇人口分佈圖，其他歐洲國家例如英法德，幾歲小童人口有反彈跡象，香港傳媒認定係人間地獄嘅英國，2021年人口增長0.4%，發達國家人口增長都係靠未發達國家移民。
所以發達國家人口增長係冇問題，大把第三世界國家嘅人想移民過去支撐人口。
由於中國已經脫貧成為發達國家，加上中國機會處處，通關後好多人想搬過去，所以人口減少只係短暫，長遠必成最大贏家。
高明
facebook：https://www.facebook.com/bigricetea
IG：https://www.instagram.com/koming.usstocks/
作者簡介︰賺錢係目標，炒股係手段，專欄記載由手段到目標嘅過程。
本欄逢周三刊出
