給港鐵的建議：多種支付方式入閘（石先生）
今個星期有消息指港鐵正計劃未來係港鐵入閘機加入 QR Code 付款，等乘客可以直接拿手機輕掃入閘，並已經於五月開始招標。2018 年車費收入達到 128 億嘅港鐵，對於 Mobile Payment 公司來講絕對係一大市場，參與入標無可厚非。大家也許覺得港鐵只會揀一間公司合作（好似當年只揀八達通一樣），但其實港鐵會否願意花少少錢，然後令 WeChat、AlipayHK、八達通、TNG、VISA 都有得合作，齊齊玩，自已做個大贏家呢？
做法是這樣的，在港鐵手機 Apps 新增一套自訂的 QR Code 付款乘車碼功能。乘客使用前需要預先設定連接想要使用的 Mobile Payment 服務。乘客掃碼入閘時直接呼喚預設的 Mobile Payment QR Code 以便掃碼入閘，閘機再核對資料扣數。
乘車資料與費用均與商戶使用 Mobile Payment 消費無異，但數據仍然存留在港鐵手中，乘客也可以按自家需要更改使用不同的 Moblie Payment，更重要是未來想要提供各項新優惠服務，直接在港鐵 Apps 裡進行便可，無需假手於人。未來想要再支援其他新的 Mobile Payment 公司也可以隨時進行，無需付出其他代價，只是港鐵會否願意多花一點錢，讓自己不需要靠別人，而是靠自己。
作者：石先生（科技博客Stone IP）
===============
財經精選資訊網站「中環街市」 臉書粉絲頁