【職場技巧】打工仔不可答應老細的6件事
唔少有「上進心」嘅打工仔女,日日喺辦公室施展渾身解數,只為博老細歡心。本來你有你落力「擦鞋」,我有我低調「扮工」,河水不犯井水咪好囉。可惜有人鐘意做埋損人不利己嘅事,搞到大家都咁辛苦,有乜謂呢?
有職場專家列出打工仔女不可答應老細、但有野心同事會做壞規矩嘅6件事,睇睇有無身邊同事嘅影子。
1. 定期喺周末或平時晚上開OT:令老細有種錯覺,覺得你OT係應份。
2. 懶有責任感講「如有問題,任何時候可以打電話或發短訊俾我」:呢啲時候,老細往往分唔到真話定客套說話,到時被人「奪命追魂call」唔好怨。
3. 應承做老細耳目:靠欺騙同事信任上位,好唔道德,總有一日可能自己受返。
4. 容許放假時間任由調配:呢個世界唔會無咗邊個唔得,若無甚麼大事,攞咗假就切切實實咁放,唔好咁易妥協。
5. 答應老細去幫同事的忙:同事間嘅義氣,係在做好本份前題下,才有能力兩脇插刀。否則忙到一頭煙也好,你既無得逗埋同事份糧,到時本份做唔好,亦無人可憐你。
6. 應承幫忙掩飾老細的錯:若做到呃客戶、同事,甚至老細的老細,呢個地步佢犯的錯應該唔細,一不小心,自己反成犧牲品。
來源:Forbes
19+精選推介
秒like 19+ Facebook!
===================
19網輕鬆爆料熱線,歡迎舉報老細同事19惡行,立即click入去講畀我哋知啦