雅虎香港財經 【葉浩文專欄】Staycation之後！虛擬旅行成為疫情時代的新模式？
早幾日我的兒子星辰BB四個月生日，搭的士去買蛋糕嘅時候，同的士司機傾左幾句計，佢話佢六十幾歲人，今年嘅疫情係佢幾十年都冇經歷過嘅嘢，除左咁樣之外，未來有更多事情，都可能都會繼續發生變化，會係以前諗到冇諗過。正如我前幾日睇新聞，譚德塞話，今次嘅疫情影響可能會影響幾十年，而我諗緊自己四個月嘅星辰，佢可能生於一個大變革嘅年代，係我諗都冇諗過嘅年代。
其實只要諗深一層，疫情好多時候會唔會就係地球自我保護嘅機制呢，我地人類人口咁多，不停爭奪資源，但資源其實全部都來自於大自然，早就冇辦法負荷，就好似Marvel嘅大反派Thanos咁要消滅宇宙一半嘅人類咁，會唔會咁樣其實先符合自然呢？
我諗譚德塞可能講影響幾十年，都係從公共衛生嘅角度去講，其實我地生活都不停變化咁，就以旅行為例，以前有D我地覺得好傻嘅Idea，反而漸漸有人去做，例如Staycation嘅概念，好多人冇辦法出國，於是六日就去西貢、大嶼山又或者係九龍灣搵酒店住，當自己出左國渡假。
又例如有之前VR技術盛行嘅時候，提出過虛擬旅行嘅概念，帶著個頭套就當自己去左旅行景點。以前就會覺得，點解我唔直接去旅行？依家新加坡就準備搞虛擬旅行，唔單止結合VR，仲同唔同遊戲合作，以另一種方式感受城市魅力，當然仲有虛擬派對等等。
近期，利用VR技術提供虛擬旅遊服務，已成為業界新興現象。有虛擬旅遊公司的手機應用程式下載量在去年12月旺季，增長了60%，今年1月至4月中，更增長了一倍。其實本港也有專門舉辦深度遊的旅行社在疫情期間推出《VR在家深度遊》，行程有《愛的迫降》嘅真實場景、烏克蘭切爾諾貝爾核災現場、不丹虎穴寺、以色列考古等，參加者在購買行程時。老實講，經過就快一年嘅疫情之後，我而家都有衝動去試下虛擬旅行。
四個月嘅星辰，以後仲有冇可能去旅行呢？又或者去旅行會成為一件唔係普通人可以做到嘅事呢？令到我忍唔住係度諗，依家5G技術發達，會唔會呢場疫情，其實就係某D神秘組織，為左改變世界而散播出黎嘅呢？令我地更加依賴網絡技術、依賴虛擬世界，加速我地成個世界科技嘅變革呢？
哈哈！可能我真係睇得mission impossible太多，都係諗一諗，下一站去埃及睇下金字塔係唔係真係好似Elon Musk最近話齋係外星人起嘅，定係去冰島嚟返個快閃“旅行”避下暑最實際。
推薦閱讀:
➤ 人愈大愈明白旅行意義不在景點多少，而在旅程中重新尋回屬於自己的時刻
Follow us on:
Facebook: hk.esquire
Instagram: @esquirehk
YouTube: hkesquire
