【見工處境題】客人投訴找漏五毫子點算?
人生見工總會遇到好多唔知點答最好的處境題。有網友見客戶服務主任,就俾以下HR呢條處境題考起。題目係:如果有客人投訴櫃枱找漏咗5毫子,不過佢事後先發覺,要求睇閉路及投訴收銀員,應該點做?
呢位求職者即場答話拖住先,應承佢查,查咗再覆,點知HR反駁呢啲case不能拖。於是求職者再挑戰答:俾佢睇閉路電視,HR又嫌棄,話咁樣會增加不必要壓力及workload。於是求職者又轉口風,話直接叫收銀員道歉,HR即時西面,於是忍唔住上網求教:究竟呢題應該點答?
最花生的當然係一眾網民的回覆,大家不妨用常識感受吓啱唔啱聽。
邊有人咁低b答要拖個投訴人。
有大食大,向上級匯報。
點有人為五毫子嘈,問問題嗰位都弱智。
俾返五毫子佢。
細心聆聽客人投訴,之後表達同理心。
解釋返找續係客人自身責任。
HR問得你當然係睇你大事化小的能力。
樓主你幾歲?咁都唔識答?客戶服務最僅要求的問題都唔識,學乜鬼人做呀?
cctv 是公司保密資料,係唔可以透露比客戶。
我哋冇cctv,呢部係假的,無開的。
樓主唔好影衰HKU。
記下投訴人資料特別是聯絡電話,告訴對方會盡快回覆。 講到尾係冇標準答案。
計我話,客戶服務最緊要識執生,要上網問人好明顯係無天份,呢份工唔啱你,你走罷啦。
來源:香討
===================
19網輕鬆爆料熱線,歡迎舉報老細同事19惡行,立即click入去講畀我哋知啦