雅虎香港財經 
診所職場事【寶豬趣聞】 恩客｜珍寶豬
【診所職場事】有日一位先生嬲爆爆咁衝入嚟診所。
佢拍咗登記處枱一下：「喂！」
我：「啊？你頭先咪嚟過嘅？漏咗嘢？」
撰文：珍寶豬
延伸閱讀：
識玩轉按 身家翻幾倍 樓市有得跌 套現執平貨 | 理財個案 | 理財解碼
更勝平均成本法 最佳強積金投資技巧大公開 | MPF | 投資入門
佢拎出病假紙：「係你哋做錯嘢要我專登落返嚟呀！」
我望望張病假紙：「寫錯咗？邊度寫錯呀？」
佢冇出聲，由得我自己喺度捉錯處，我：「不如你話我知邊度錯啦？」
佢：「你食屎啦！你連自己錯咩都唔知？」
咁又唔駛下下食屎嘅，你有咁嘅癖好都唔需要周圍同人講嘛。
我：「張病假紙醫生寫嘅，你直接講我知邊度錯啦，我要叫醫生再寫過㗎～」
佢：「佢連我係習慣放兩日假都唔記得呀！我喺度睇咗幾耐呀？睇咗幾多次呀？我課金課咗幾多年俾你哋呀？」
啊～講到恩客咁款喎。介唔介意我講句公道說話？『過主啦你，靠你課金養家嘅，我哋死咗十八轉啦』
我：「哦～醫生唔會因為係你習慣放兩日病假就寫兩日俾你啊，醫生係要睇你嘅病而決定嘅，不過如果你真係好唔舒服嘅，工作性質上係要比較專注嘅，都可以直接同醫生講你需要多一日休息嘅，唔駛咁勞氣喎」
佢：「我唔勞氣就假啦下話？大熱天時你要我行多轉過嚟呀！我成條褲都由頭濕到尾呀！你喺度涼住冷氣梗係冇所謂㗎！你啲冷氣錢都係我課金俾你嘆㗎」
既然有你份嘅，除褲啊，俾冷氣吹乾條褲先走囉。
我：「先生，唔好下下都咁勞氣啦，我一陣就入去同醫生講你想要多一日病假，你坐坐先呀，轉頭入去見見醫生」
佢行埋去坐低大嗌：「開大啲個冷氣啦！家陣我冇課金俾你呀？」
醫生，你個大恩客啊。
延伸閱讀：
