金融花生│港發展商口碑 攻內地客關鍵（言平）

本地地產商在內地發展，並唔係好似其他人眼中所睇得咁差。 (Govan Zhang via Getty Images)

去年一眾地產股真係好慘，業績可謂處於捱打狀態，股價相對資產價值折讓直迫金融海嘯時既低位。上周公佈業績既恒地（012），2023年既毛利率由之前一年的40.8%再下跌至35.7%，而該下跌的趨勢已經係連續第三年了，而總負債比率由2022年的34.8%增加至36.5%。

下載Yahoo財經APP

美股外幣即時報價 多國新聞任睇

舊年本地樓市完全處於冰封的狀態，而且本地的零售市況亦轉趨疲弱下。恒地2023年全年業績中，營業額上升7.9%至276億港元，而純利按年上升咗0.2%達到92.6億港元，其中來自香港物業發展的營業額約147.62億港元，比2022年下跌咗5%。至於香港地產物業發展的分部業績，就由2022年的33.55億港元大跌35.4%至21.69億港元，即係代表由香港物業發展所帶來既盈利來源同樣會大跌。

恒地折讓大 股息率逾7厘

至於在內地物業發展所帶來的營業額，已經由2022年既77.99億港元增咗21.8%，去到94.98億港元，令到來自內地物業發展的分部業績，由2022年的21.97億港元維持係21.26億港元，跌幅只係3.2%，為香港整體物業發展業務下滑帶來了緩衝作用。因此，即使市場對內房市場不看好，但對本地的地產發展商來說，仍然是重要支柱之一。

筆者認為本地地產商在內地發展並唔係好似其他人眼中所睇得咁差，尤其係本港地產發展商對內地居民嚟講，仍然是面上貼金的，所以他們仍然可以係內地市場中搶到唔少客戶，呢種情況相信亦可以應用係其他有主力做內地物業發展的本地地產商身上。恒地股價較資產值仍然折讓達6成5，維持每股1.8港元的全年股息，股息收益率企在7厘以上。

言平

本欄隔周四刊出