鍾嘉欣分享懷孕心情 自爆老公夠壯：一擊即中！

鍾嘉欣2015年同脊醫Jeremy Leung拉埋天窗，婚後誕下可愛女兒Kelly（梁愛晨），之後一直長居加拿大，間唔中先返香港接吓job同大家見見面。鍾嘉欣早前宣布成功追到第二胎，今日佢透過FB開live分享懷孕心情，仲大爆懷孕係「一擊即中」，Jeremy果然厲害！

鍾嘉欣成功懷第二胎

鍾嘉欣早前透過FB證實喜訊，宣布成功懷第二胎，佢上載一家「四」口的合照及超聲波照片，仲寫咗一大段感言多謝唔同人，同時宣布會離開加盟了13年的TVB！

鍾嘉欣透過FB親證喜訊，目前懷孕三個月！

懷孕三個月的鍾嘉欣，還貼了超聲波照片！

鍾嘉欣向來喜歡小朋友，一直都希望係女兒Kelly添個弟弟或妹妹，其實有指鍾嘉欣懷第二胎未夠三個月，本來唔想公開住，由於再次做爸爸的Jeremy實在太過興奮，已經忍唔住同街坊及病人報喜！

鍾嘉欣與女兒Kelly

鍾嘉欣女兒Kelly依家歲半，非常可愛！

鍾嘉欣自爆：老公一擊即中

鍾嘉欣今日喺Facebook分享懷孕的心情，佢透露自己喺香港得知懷孕，因為當日出席倒數活動前覺得唔舒服，去到第二日(1月1日)用驗孕棒後先知道係有咗！嘉欣更即時打電話俾老公及女兒報喜，老公知道後好開心好感動！

嘉欣表示第二胎係計劃之內，打算生完Kelly後餵一年人奶，等Kelly行得走得時就開始Plan第二胎，點知咁快就有BB！嘉欣笑說：「一講…一造就中，呢啲叫做一擊即中呀！」

第二次做媽媽 淡定好多

唔少網民都問鍾嘉欣現時感覺如何，佢就話第二次做媽媽淡定好多，不過今胎比較辛苦，試過接Kelly放學時喺街嘔，又會攰到好似感冒咁，所以未有精神專注拍劇。不過嘉欣向大家派定心丸，佢話知道大家好掛住佢，而佢自己對演藝仍然好有熱誠，大家要俾啲時間佢休息，生完第二胎一定會同大家再見！

姚子羚認分訊 胡說八道姊妹陪療傷

黎明新寵曝光 直擊女助手返黎宅