香港股市 將在 7 小時 39 分鐘 開市

Jeff Bezos父母幫阿仔買Amazon股票 賺12萬倍

常言道「投資落仔女身上」有三種方法;第一種係幫仔女買樓,通常代付首期,仔女自己供;第二種係供書教學,含辛茹苦;而第三種就係感情投資,只求心靈付出,不求回報。

其實,上述三種都有問題,例如幫仔女畀首期,如果他日「翻轉豬肚」,血本無歸風險太大;又例如供書教學,好靠學校老師,最後有無教明白「感恩圖報」四隻字。

三種投資當中,父母都好被動。

但如果當仔女創業後,父母策略性入股仔女企業,又係咪一頂好投資呢?

話說今日熱議一條新聞,正正就係首富Jeff Bezos嘅父母,1995年見阿仔創業搞E-commerce時,原來幫手投資過24.5萬美元,共買入140萬股。時至今日,該筆投資,市值已接近300億美元。換算成港幣,兩球都無嘅投資,23年間,增值差不多12萬倍(That would be a 12,000,000% return on their investment),難怪會有傳媒形容該筆錢為「世上最佳的投資。」

對比返,就算SoftBank2000年重注阿里巴巴,回報都只得7200倍,未夠首富父母「回報」高。

當中有兩項啟示,第一,就係原來首富Jeff Bezos,都要有父母幫佢創業;第二就係為人父母,見到仔女創業,記得夾一份,畢竟商業投資白字黑字,總好過送層樓俾仔女,走數機會少啲,參與程度又高啲,仔女隨時仲會帶挈你發達⋯⋯送層樓嘅話,連屋都入唔到,只能講感情了。

來源:telegraph

===============

財經精選資訊網站「中環街市」  臉書粉絲頁