【中產品味】「蠔客」到會生意旺

開放式蠔吧、自助餐生蠔、速遞生蠔……今時今日「食生蠔」再非小眾，品味閒情除了走進超市，讓你隨時隨地，都可以買堆生蠔回家享用外，網上速遞，更打破了凍肉、海鮮只能在凍櫃慢慢睇的常規。

在觀塘開業多年的生蠔到會店OysterMaMa，年多前搬至工廈二樓，一年前由前銀行家張老闆與他太太「夫妻檔」接手經營，除了擴大送貨範圍，更大幅增加至少十款生蠔，並增加凍肉生意比例，食正港人家中「嘆蠔」熱潮。

現時店內有三十至四十款生蠔，全港幾乎無處不送，張老闆形容大眾化食蠔已是趨勢，與年前相比，多了三、四成「蠔客」，且客人食蠔會追款追天氣，「有人鍾意礦物味，有人就鍾意甜，有人要大大隻，追捧某一個地區的食材。另外，不同性別年齡，都有不同最新要求，女性就要清甜，男士就要粗獷，口味大不同。」

生蠔速遞網店猛擴充

近年香港的速遞生蠔行業發展相當快，除了759阿信屋早著先機，於門市「海鮮化」，食材店如雨後春筍開業，Ocean Three 亦於五年內由一間生蠔速遞網店，擴充至六間零售鋪；另一間Seamart甚至大包圍做海鮮直送，主打「海鮮革命」，六十多款海鮮，包括近卅款生蠔、北海道原隻松葉蟹等，跟OysterMaMa一樣，隨時速遞入屋「開P」，這類店鋪，隨時可以月賣上萬隻生蠔生意。

不過OysterMaMa張老闆說，雖然網購熾熱，但以實體店配合網店這類售蠔模式，往後會更受歡迎，「始終愈來愈多未食過唔同款生蠔嘅客人加入，愈來愈多年輕人愛食生蠔，生蠔亦愈來愈多款，單靠幾幅圖，好難知好唔好食，相可以好靚，但蠔幾厚，你就睇唔到，而且網購於運輸途中會否變壞，都係消費者關心嘅問題。」OysterMaMa現時就用GoGoVan配合運送，如果太影響品質的訂單，他們不會接受。

門面，也是很重要的展示空間，尤其今天生蠔生意競爭激烈，不少都強調原產地入貨，鬥新鮮、鬥款多，「我們的生蠔與凍肉生意比例，亦由以前八比二，轉變成七比三，唔少客人都親身來買。」為吸引客人，鵝肝、牛扒、壽司等多元化貨品必不可少。