【股壇衝鋒車】買粒糖,贏間廠(周沖)
大市繼續跌唔落,土炮地產及內銀股繼續頂住大市。有前輩話係高位橫行來代替調整,將一些持著蟹貨岩岩差不多鬆綁既人沽埋就會再升一棍。大股無咩波幅,炒鬼搵食又去番細價股到炒。比較吸引到周沖眼球既有樂亞國際(08195),一日成交係市值既10分之1。另外富譽(08269)及同仁資源(08186)都分別由低位彈番成倍上黎,吸引到周沖做下功課,岩岩又有一隻出左通告可留意,睇下有冇機會倍升。
中國糖果(08182)係8月23號大手上板,0.115元有1.5億股成交,相當於發行股數11%。原來又係大股東急不及待減持,股權由44.78%降至33.58%。翻查資料,大股東洪蔭治及許金培6月時曾以相同作價作出減持,岩岩過半年就兩度減持,得番3成幾,原因係咩?你懂的。
睇番佢既業績真係不值一提,中期收窄至28萬人仔,咁既業績上市黎都係為左啤殼。上市價係0.2,依家大股東兩次減持都0.115,市值得過奀豬億幾,真係平到冇人有。觀察之前同仁資源(08186)低位配完股都彈番上3億幾市值,今日收市價0.115應該有一定既防守力,買番D旁下身,博新主過幾個月可以入主時應該就唔止呢D價位啦。星期一當日上左版最高去到0.138,如果升得穿而成交量大不妨加注,搏上番0.2都爽啊。當然,創仔波幅大,真係穿在一年低位就打,兩成搏一倍回報抵賭的。
買入價:0.115 目標價 0.20 止蝕價0.093
周沖
http://www.facebook.com/chowchung123