【專家分析】 新變種病毒株對環球股市有幾大影響?
【Now財經台】南非發現新嘅變種病毒株,本港兩宗輸入個案帶有呢個病毒株譜系,環球疫情就快踏入第二年,但有本港專家指,新變種病毒更容易進入身體細胞,新一輪疫情會點樣影響環球市況?
華盛証券證券分析師聶振邦指,消息令恒指黑期同道指期貨都跌超過200點,加上歐洲警告新變種病毒有機會令死亡率增加,雖然歐洲已接種疫苗人士持續增加,但疫情仍然唔受控,變相亞洲雖然疫情偏向穩定,但萬一再爆疫,即使打咗疫苗,保護力都唔夠,會令市場憂慮。
聶Sir又話,雖然歐洲疫情惡化,可能會再封關,不過要有相關消息,環球股市先會受壓,現階段歐洲股市,例如德國DAX指數喺15900點水平,高位接近16300點,只係差幾百點,暫時對股市影響唔大。