【專家分析】後反壟斷時代要睇實...
【Now財經台】科技巨企阿里巴巴(09988)因壟斷行為,被內地當局重罰182億人仔,係內地歷來最大張反壟斷「罰單」。不過,阿里股價今朝高開逾5%後,升幅擴大,仲上返230元樓上。此外,據《路透》爆料,話市監局會增加人手、資源,加大反壟斷執法力度,係咪預視會有更多企業「出事」?
星展銀行香港及中國內地股票策略師林子津認為,今次事件反映中央「有商量」,畀罰款就可以了事,相信日後再有科企受查,甚至罰錢,張「罰單」都未必會大過阿里。
林子津又話,科技巨企有平台優勢,市場會好快消化不明朗因素,投資者反而應關注呢股反壟斷風潮,會為科企嘅營運模式帶來咩轉變,從而影響盈利等基本因素。