【股市脈搏】農夫山泉爆原料風波「救價」要睇...
【Now財經台】農夫山泉(09633)爆出使用日本福島原料疑雲,雖然集團喺微博發文澄清,但仍然釋除唔到市場疑慮,拖累股價今日急挫。
農夫山泉低開2.5%後,跌幅迅速擴大至逾6%,低見38.5元,錄得逾3個月以嚟最大日內跌幅,跌到約1個月低位,但跌勢好快喘定,之後維持約3%跌幅,最新報39.9元。
雖然農夫山泉股價似乎喺低位有一定承接,但暫時未上得返40元,向下望係37元,即舊年12月大升前嘅平台區,亦係今年股價大幅回調嘅支持位,依家RSI喺39水平,仲未跌到之前低位,現價較歷史高位已經回調咗42%,股價會唔會再跌,要睇公司對事件有冇進一步回應。