【專家分析】維他奶內地業務翻身最少需時...
【Now財經台】維他奶國際(00345)中午派咗中期成績表,期內少賺95%,亦冇派中期息。内地網民對維他奶喺「七一刺警案」嘅内部文件用詞不滿,揚言要杯葛維他奶,導致公司今年8月發盈警,雖然剛出爐份業績同盈警一致,但維他奶股價一度插近4%,低見17.3元,跌至約4年低位,內地業務需時幾耐先可以復甦?
艾德證券期貨聯席董事陳政深指,内地業務係維他奶最大收入來源,依家冇息派,內地業務又走晒樣,資金一定會流走。佢又話,一旦涉及政治事件,產品上架、銷售都會遇到較大阻力,從而增加宣傳成本,加深市場對公司嘅憂慮。
Ryan續指,維他奶重建品牌需時,估計內地銷售最少要用2至3季時間先可以復甦。