《開心速遞》鄧永健半年無工開 為追夢兼職配音扮小丑
《愛回家之開心速遞》開播以來一直收視及口碑都非常好,仲擁有一班忠實觀眾。除咗一班劇中主角之外,一班本來唔太起眼嘅配角都深得觀眾喜愛。
劇中飾演IT部主管Ivan嘅鄧永健,參加2006年第20期藝員訓練班入行,之後拍攝多部處境劇,好似有《同事三分親》、《畢打自己人》及《天天天晴》等等,但認識佢嘅觀眾並唔多。佢試過停工近半年,又試追1個月只係返兩日工,朋友建議佢搵兼職,佢又驚同通告撞期。
其實入行前鄧永健喺主題樂園做過4年小丑,佢覺得可以接觸到唔同人,又可以同觀眾交流,最重要係好有滿足感。所以喺冇工作時,佢都會去做小丑、配音、甚至係喺街上扮立像,都搵到餐飯食,為咗追夢,鄧永健仍會堅持落去。