【Yahoo財經App】自選投資組合 回報表現幫你計

·4 分鐘文章

undefined

【-yahoo財經-app】自選投資組合-回報表現幫你計
Yahoo財經App設有清單功能,顯示你的投資組合實時報價及回報表現

投資兩大煩惱係睇實持貨表現及計算回報,識得用Yahoo財經App自選投資組合清單功能,兩大煩惱就一掃而空。

自製實時報價清單

Yahoo財經App除了提供免費實時報價,另一賣點係可以自訂投資組合清單,方便你將追蹤目標整合成一張清單,之後透過清單,即可以一次過睇晒實時報價。

自訂清單第一步係在「清單」欄按「建立清單」,你可以自選清單名稱。假如你日頭炒港股,夜晚睇實美股,可以考慮分「港股」、「美股」兩條清單。又或以股份類別、投資類型設定清單,如設定科技股、高息股、外匯及ETF四類投資自訂清單,唔同類型投資實時價格及表現就一目了然。

1
自訂清單第一步係在「清單」欄按「建立清單」

建立清單後,下一步係加入股票或其他投資工具到清單。方法係搜尋時做多一步,當顯示搜尋結果報價頁面時,你會望到右上角有一個星號圖標,一按就可以加入清單內。

【-yahoo財經-app】自選投資組合-回報表現幫你計
按星號圖標就可以將追蹤目標加入清單

另一捷徑係你在清單加入想追蹤股票或投資工具,方法係在清單按「新增股票代號」,在搜尋欄輸入追蹤目標名稱或代號,在右邊按星號圖標即可直接加入清單內。

【-yahoo財經-app】自選投資組合-回報表現幫你計
在清單按「新增股票代號」亦可以搜尋及加入追蹤目標

砌好清單後,打開Yahoo財經App便即時睇到唔同清單追蹤目標報價以及升跌率。投資市場不時轉風向,幾個月前你追蹤的投資目標,今個月已可能大洗牌,所以清單都提供「編輯」功能。在清單按「編輯清單」,進入編輯部分即可選擇刪走關注目標,甚至可以選擇成張清單刪除,方便你重整投資組合實時報價清單。

【-yahoo財經-app】自選投資組合-回報表現幫你計
在清單按「編輯清單」,進入編輯部分即可選擇刪走關注目標

你更可以利用清單作為了解市場走勢,在Yahoo財經App搜尋頁面設有「熱門追蹤清單」,提供多款由Yahoo財經團隊編製的人氣投資主題清單,包括股神巴郡投資組合、熱炒細價股、抗疫概念股、科技股等。一按清單就可以睇晒唔同投資主題指標股份實時報價及表現。

【-yahoo財經-app】自選投資組合-回報表現幫你計
「熱門追蹤清單」提供多款由Yahoo財經團隊編製的人氣投資主題清單

幫你計埋投資回報

美股可以逐隻買,加上外匯、加密貨幣、港股等不同投資,你可能要開唔同券商、銀行App先望到各類投資回報,想歸納計算甚至要動用Excel表。Yahoo財經App投資組合清單就可以幫你化繁為簡,在清單下按「清單詳細資料」,再按「持股」及在追蹤目標按「新增」,即可以為清單內的股票或投資工具設定持有數量及平均成本,完成輸入後,系統便會幫你按市價計算投資回報。

【-yahoo財經-app】自選投資組合-回報表現幫你計
清單下按「清單詳細資料」,按「持股」及按「新增」,即可輸入持有數目及平均成本

想睇總回報好簡單,在Yahoo財經App首上邊的方格會顯示你的投資組合即日回報及總回報,再「碌」落去又可以睇埋唔同清單的回報表現。想睇個別股份或投資工具的回報,可以按清單下邊的「清單詳細資料」,再按詳細資料便可以睇到各項投資的回報表現。

【-yahoo財經-app】自選投資組合-回報表現幫你計
首頁會分別顯示你的投資組合總回報及不同清單的回報表現
【-yahoo財經-app】自選投資組合-回報表現幫你計
按清單下邊的「清單詳細資料」,再按詳細資料可睇到各追蹤目標的回報表現

美股新手亦可以把清單當作模擬倉,將睇中美股加入清單內,並輸入心水買入價及股份數量,毋須真金白銀交學費,都可以透過實時計算回報功能,提升自己揀股的眼光,自然更有信心在美股市場發掘投資機會。