【全港最正的面試】邊食邊見工
飲食業不嬲請人難,所以想請到心儀夥記,係要有些噱頭。銅鑼灣有間L字頭的美式餐廳決定免費請求職者食飯,畀足甜頭求職者,唔知呢招又WORK唔WORK呢?
呢間餐廳喺facebook賣行廣告,講到明在面試期間(3-6PM),求職者可以免費叫餐牌上任何一款食物,食住見工。無論最終有冇獲聘,又或者求職者reject offer,餐廳都唔會收返佢餐飯錢。
呢間食肆仲解釋點解要食住飯見工,原因有三︰
第一:
食肆係三至六呢段時間食飯嘅,佢哋唔想食食吓停晒手來見工。另一方面,又無乜理由餐廳老闆食住飯去in人,好似唔多尊重求職者,咁不如一齊食。
第二:
食肆相信食住飯傾計氣氛輕鬆一些,可以更真實表現求職者嘅個性,同時俾求職者初步體驗下食肆與夥計點相處。
第三:
食肆好需要意見去令自己更上一層樓,一路食一路畀意見去改善餐廳,一舉兩得。
第四:
食肆鍾意請夥計食飯,又得唔得先?
之不過,世上總有人會去「扮工」黐餐,有網民明言:「等我啊,我約緊屋企上下老幼嚟見工啊,請問可唔可以一圍咁見呢?」
其實有冇Group interview呢回事,不如開足一圍來見,會唔會仲熱鬧啲?
===================
19網輕鬆爆料熱線,歡迎舉報老細同事19惡行,立即click入去講畀我哋知啦