公司入面,總會有個「古巨基」
最近見「第三代四大天王」之一嘅古巨基,強勢回歸tvb主持一集《東張西望》坐堂報新聞,網民反應兩極,一邊覺得「呢啲叫念舊,飲水思源,識乜丫你」、「古生不知撈得幾掂」;另一邊則認為「佢幾時有紅過、演唱會在即係咁」、「之前讓路俾軒仔,依家讓路俾勤仔」、「唱歌得但係半紅不黑」。
忽然有啲戚戚然,諗返起一位打寫字樓工的朋友。
呢位朋友當年大學畢業就入電子零件公司做,佢堅持打工要勤力,教小編最緊要乜都肯做,平日返早啲,放工要夜啲,日子一長,老細就會賞識你;聽講呢位朋友,連外賣仔都做埋,水機換水又有求必應,試過有次女廁廁所塞咗,女同事見無人,情急之下叫佢去通,得咗。
結果,出去見客,朋友被個客當做助理,阿頭都唔出聲;公司有大project,佢永遠無份,因為根本無人知佢識做嘢。無職升嘅佢,最後返內地搵食,進入一間電子廠打工,聽講間公司喺內地上咗市,分到筆錢,買咗樓,好少返香港了。
撈得掂,但唔喺香港。
(去片) [embed]https://youtu.be/ZxGPjtPs2VA[/embed]
公司入面,總會有啲好似「古巨基」咁乜都肯做嘅人,其實最後蝕底嘅係自己;捱幾多年都一樣有人只記得你做《娛樂新聞眼》,唔記得你識唱歌。
如果命運能選擇,以打工仔嚟講,你覺得「第三代四大天王」當中,最成功係邊個呢?
李克勤
陳奕迅
張敬軒
古巨基
19+精選推介
秒like 19+ Facebook!
===================
19網輕鬆爆料熱線,歡迎舉報老細同事19惡行,立即click入去講畀我哋知啦