雅虎香港財經 【富豪記招】大劉記招不願透露呂麗君有何困難，「有留意財經金融地產嘅人好快會知」
劉鑾雄（大劉）今日舉辦記招，事緣近日大劉被影到與前女友呂麗君（現名呂姵霖）現身銅鑼灣皇室堡，被揣測二人是否舊情復熾。在記招上，大劉首先解釋為何在皇室堡與男子爭執，他表示：「公司處理得唔好，我冇位過，擔心有碰撞及絆倒，加上當時見大部分人冇戴口罩，若果我萬一中招係『九死一生』，又擔心被認人出便嗌強姦非禮。」
談到今次事件的焦點呂麗君，大劉表示：「最唔想畀人見到我同呂麗君一齊，有個師奶影我相，我冇嬲佢，佢嘅層次係咁，但佢用相機影到呂麗君我就嬲！唔想人誤會以為復合，結果隔兩日就有網上打手寫『邊個大獲全勝搬返屋企』，呢啲係網上造謠！」
對於早前在聲明中談及要幫助呂麗君，大劉表示：「今次幫呂小姐，若果唔係考慮到兩個仔女，一個12歲、一個20歲，我決定幫或者唔幫，平時決定係0.1秒，今次做決定諗咗兩分鐘，係唔想有難堪嘅事出現而影響細路，為佢嘅仔女保留一點尊嚴，希望記招之後有人收斂啲！好SAD，有啲天生性格到死嗰日都唔會改，唯有黯然接受。」
期間有記者問到呂麗君有何困難？大劉拒絕透露：「我真係唔想講，我做人做事係今日留一線、他日好相見，唔會趕盡殺絕，對任何人都係，唔止呂麗君。有留意財經金融地產嘅人好快會知，我就唔方便講，如果唔係為咗仔女，我極度唔想幫。」
事件引起外界揣測是否牽涉投資失利。翻查資料，大劉以往接受訪問時曾透露，他教識了呂麗君投資債券，更稱「她一年收息都過億港紙！」又曾經在分手聲明中表示「她現在已是超級富婆，無需要我任何經濟支持，也可過著富裕的生活。」
不過，在2020年本地媒體《港股策略王》曾引述消息，指呂麗君手持一批恒大債券及佳兆業債券被追孖展而斬倉，據稱單是債券部份損失數以億計。目前未知今次事件是否和投資失利有關。
你或許有興趣
【行業數據】全年最多人的生日和最罕見的生日
【香港經濟】法外貿銀行：嚴格防疫措施令香港經濟損失逾2100億港元
【熊貓外交】每年付940萬港元大熊貓租借費，中國熊貓陽光、甜甜繁衍失敗被英送返
【2023經濟】標普研究：2023年全球經濟展望
【港人賭博】最新港人賭博情況研究出爐，港人賭博不為贏錢為什麼？
如欲觀看更多相關文章，請瀏覽 Business Digest
