張致恒懶理兒子入院 雯雯鬧爆又懶又廢：唔理解你生存為乜

張致恒懶理兒子入院 雯雯鬧爆又懶又廢：唔理解你生存為乜

藝人張致恒與老婆雯雯近日再鬧離婚，昨日（9日）雯雯再度爆Seed，於社交網公開發文鬧爆Steven：「做人窮唔緊要，但如果做人唔爭氣，樣樣嘢都仲要懶，咁就係廢。」事緣兒子要去醫院，但Steven卻未盡父親責任幫忙，令雯雯忍唔住怒氣大爆發：「你話你攰唔舒服要瞓覺，OKAY，咁我去執嘢，啲仔兩點要去到醫院。只係要求你畀嘢佢哋食，換衫準備好，我返嚟即刻出門，（但你）一點半仲瞓喺張床，你要廢要懶無問題，但既然你要生小朋友，可唔可以尊重吓佢哋，唔好因為你嘅問題去影響佢哋。我真係忍唔到幾耐，完全唔理解你呢種人生存為乜。」

網民即留言送上安慰，又替Steven護航：「佢係咪因為工作辛苦先咁咋？」，但佢只以無奈表情符號回應，有網友和應：「佢（Steven）想點其實？」，雯雯再嬲爆表示：「呢個問題我都諗唔明」，明顯尚未下火。

張致恒與雯雯鬧離婚多時。

雯雯鬧爆張致恒又懶又廢。

全因兒子入院，對方完全唔理。

直指唔知張致恒想點。