【搵食艱難】鬼佬建築師樓請reception要高過168cm
依家想搵份好工,非常難,因為你永遠唔會掌握到公司內部標準。如果唔係朋友接近消息來源,都唔會知道中間有好多潛規則及奇怪要求。
最近友人開post幫問,話知道香港一間大嘅鬼佬建築師樓,位於鰂魚涌,個名係「A」字開頭,開價18k-23k,請一位身高168cm以上嘅靚女,任職reception,而且英文要ok,學歷經驗不拘,可能因為要同鬼佬溝通,身高要求針對接待外國人。
但友人呢個post引來勁大迴響,質疑呢個價錢又要請168cm,又要靚女,真係搵鬼做。但友人堅稱,都有相貌幾唔錯嘅女仔遞咗form(睇過相)申請。
但亦有人唔gur點解建築師行請人要求要有168cm,質疑係歧視,因身高在建築師樓嘅服務性質來講,唔係必須,性質同有高度要求嘅空姐唔同。
但亦有熟行情嘅人搭嗲,如果呢個post想幫到手請人,其實可以加remarks 落個Post度,就係「間firm應該可以識到有錢仔」。
小編睇完之後,同朋友祝福一句,希望你哋會搵到好似「長腳蟹」咁嘅reception啦。
來源:facebook
===================
19網輕鬆爆料熱線,歡迎舉報老細同事19惡行,立即click入去講畀我哋知啦