柳應廷跑足15場 謝票變生日會

昨日生日的MIRROR成員柳應廷，日前為孭飛電影連跑15場謝票，席間大談拍攝往事，踢爆隊友姜濤為打交戲試戲時已忍唔住喊，是他首度看見對方完全卸下偶像包袱。

柳應廷（Jer）、姜濤與毛舜筠主演的英皇電影《阿媽有咗第二個》，累積票房超過4千萬元，日前Jer首度參與謝票活動，偕導演彭秀慧由下午到晚上跑足15場！

心情緊張的Jer直言不知道謝票要做甚麼，又想起首度拍劇的體驗：「第一次拍劇唔知點做，到拍攝《阿》片，我已經同鏡頭成為朋友，會自然咁演好角色。」回憶拍攝點滴，他直言有過迷失的時候：「有場講一班同學嚟我屋企，我要偷偷收起姜濤對鞋，我有啲迷失，拍咗十幾二十次，覺得演喜劇比感情戲更難！」

見證姜濤第一次

他承認對自己要求嚴謹，難忘一場與「媽咪」毛舜筠的吵架戲：「要對住毛姐發脾氣好難，但毛姐好好，加上成個團隊令我好放鬆，可以好放肆咁喺媽咪面前發脾氣！」至於與姜濤打交的重頭戲，他踢爆姜濤試戲已經喊：「嗰日喺化妝間試戲，姜濤太投入角色，當場喊咗出嚟！要知道偶像甚少洩露個人情緒，嗰次係我第一次見到姜濤完全放低自己，非常難忘！」

適逢謝票當日是Jer 30歲生日前一天，不少觀眾送上禮物及蛋糕，又合唱生日歌，令他非常感動，而他的願望是盡快開騷，在舞台與大家見面。昨日彭秀慧在社交網讚Jer好叻：「好榮幸喺你29歲最後一日，同你一齊跑咗15場謝票，未來未來，希望你繼續用歌聲同表演，在每個舞台發光，照耀每一個角落。」

Jer會合彭秀慧謝票，與姜濤的紙板合照。

昨日生日的Jer，提早收到蛋糕。