香港股市 將在 1 小時 38 分鐘 開市

【熱話】地盤佬開完工 應唔應該入餐廳食飯?

 

做地盤工就一定要喺地盤食飯盒?

好多時只要商場餐廳附近有地盤工程進行,一到食飯時間,就會一大班地盤工走入餐廳開飯。勢估唔到開飯呢類咁平常不過的事,竟然都有人睇唔過眼,有人更在社交平台開帖,帶頭歧視地盤工,鬧地盤工在餐廳食飯係冇公德心嘅表現。

事緣呢位網友話地盤工人開完工,成身臭汗味,唔應該入餐廳食飯,影響到其他食客,佢仲形容有地盤工赤裸上身咁食,場面唔雅觀之餘,仲逼食客聞住臭汗食飯,做法冇公德心。

此帖一出,立即引起熱議,當中唔少自稱係地盤工。

有人話︰「香港有今天的繁榮,全賴地盤工,無佢哋你無屋住,無佢哋香港會有咁多基建嗎? 食餐飯是應該,如果你咁高尚,請移玉步去半島。」

亦有人話,部分地盤工早咗開飯,就係要避開班「自命清高」的文職,強調行行出狀元,同係打工仔,唔應該帶頭歧視分化。

更何況汗呢家嘢,人人都有,並唔係地盤工專利,請大家留意返。

來源︰巴打絲打「01自由搏擊」Facebook Club

===================

【相關搜尋】劉浩龍污糟手論

19網輕鬆爆料熱線,歡迎舉報老細同事19惡行,立即click入去講畀我哋知啦