【熱話】老公月入幾多才安心?
好多香港人,一係諗退休,一係諗移民,原來一班家庭主婦,最近都開始討論「幾時可以唔使做」。
話說香港從來都無「女人婚後唔使做」嘅習俗,通常都係雙職家庭,請個外傭照顧小朋友;但捱得多,人總會累,於是有人上網開post問大家,到底老公要搵幾多,先可以安心唔使做?
男士們估唔估到答案?
最後有不少家庭主婦覺得,老公要賺10萬才足夠。
有位太太直言自己無仔女,但要供樓同養貓,加埋儲定老年醫療開支,維持現有生活水平,10至12萬元差唔多。
唔少主婦都同意,10萬真係唔多,小朋友學費興趣班、工人姐姐、旅行遊學等等,樣木都係開支,如果供緊樓,10萬係剛剛好夠。
有主婦直言,老公搵10萬,只夠開支而無儲蓄「根本好危險」。
以下是不同主婦的意見:
8萬以上
要係我人工的起碼5倍
我認真答你,未有小朋友就6萬
其實10萬唔係好誇張
起碼15萬-20萬以上,我唔鐘意窮養,亦唔想降低生活質素
我想講香港地搵10 萬真係好多人。我老公係其中一人,但香港租屋、外國供樓、交稅,每年返外國2 次、saving ....其實每個月緊緊的
5萬基本,要供樓養bb
錢哪怕多?兩公婆一條心一齊搵錢最好
不過就有人妻突破盲腸,話其實賺幾多錢都唔會安心,因為幾錢人工都係老公的,自己的人工才是自己的,靠男人「我唔會安心」。
小編只能說一句,男士們仍需努力,一個人有24小時,只要善加利用,總有一日,你會搵到10萬月薪,令太太放心~~ 來源:親子王國
===================
19網輕鬆爆料熱線,歡迎舉報老細同事19惡行,立即click入去講畀我哋知啦