香港股市 將在 2 小時 53 分鐘 開市

【熱話】點解教師會咁嘆?

最近本港繼醫療爆煲後,輪到教育爆煲,一名工作多年的資深老師輕生,引發教師壓力爭議。

見網上有人話,教師高薪糧準,假期又多又加人工,其實好歎。

可能因為小編身邊太多親友教書,知道佢哋其實係好嘆,而唔係好歎。

點解會咁嘆?不外乎以下原因:

  1. 愈來愈多校長工作狂,連環睇堂查簿
  2. 小學不斷開會,開會隨時多過做Big4,試過夜晚7點,全部都仲喺學校
  3. 校長有時幫家長,多過幫教師,如果有咩事,校監壓下來,教師處境更糟糕
  4. 太多雜務,特別係未埋堆的新人,前路更坎坷
  5. 教師並非大家想像般團結,金手指比率不低,扮工室政治嚴重
  6. 教師確難被炒,但如果管理層想趕走一名教師,小動作之多,超乎你想像
  7. 現實與理想的落差,明明想教好學生,卻有志難伸
  8. 辭職解決不了所有問題,因為行頭窄,無故辭職,隨時斷後路,見過有臨約教師半途出家轉做保險
  9. 家長緊張自己子女好正常,但部份家長實在太緊張,日日都要同教師傾電話

小編想都想正面看待教育從業人員員,而事實上的確有唔少好教師、好校長同好學生,但行行有本難諗的經,工作量同處境,有時真係同錢無關。

===================

19網輕鬆爆料熱線,歡迎舉報老細同事19惡行,立即click入去講畀我哋知啦