雅虎香港財經 胡杏兒IG用「China」被指港獨 內地網民不滿：滾出中國吧！
胡杏兒與李乘德喺2015年拉埋天窗，婚後誕下三個囝囝，一家五口生活美滿。胡杏兒於2015年約滿無綫，選擇離巢北上發展，自從參加內地綜藝節目《演員請就位2》後，人氣急升。早前有網民指佢老公係「世紀軟飯王」，於是胡杏兒就喺IG發長文力撐老公，佢喺文中提及老公比自己花更多時間湊仔，因為自己喺中國工作。因為佢用咗「China」一字，所以就觸發內地網民嘅情緒，瘋狂去佢微博洗版攻擊。
胡杏兒喺文中用「China」，而唔係用「Mainland」，一班內地網民就認為佢有「港獨」之嫌，紛紛留言表達不滿及攻擊佢。之後，杏兒已經將呢篇文喺IG刪除，不過一班內地網民仍然唔放過佢，轉去佢嘅微博繼續鬧爆佢，例如「港獨，滾啊，白瞎我喜歡你十幾年，以為你認同中國人的身份，看來是我想多了，香港真是臭港！」、「為什麼你的IG上寫working in China 而不是mainland? 難道對你而言，HK is HK but China is China?」、「不僅你一直在中國工作，你的老公小孩也是在中國香港哦，請注意你推特的用詞」、「原來是個雙面人，别來我們這賺錢了，趕緊的滾」、「已經回歸很多年了，希望你注意一下對國家的稱謂，去中國工作，這樣的話真的不合適」、「胡杏兒女士不是中國人嗎？所以來中國工作？」、「以前挺喜欢你的！ 現在？滾出中國吧！為了金錢可把你委屈的！」、「跟着你家軟飯男滾出中國去」、「你這個雙面人，看你幾時玩兒完」及「什麼叫去中國工作？？？ 就想問問 你不是中國人嘛？ 難道中國香港不是中國嗎？」等等。
另外，一班內地網民更翻胡杏兒舊帳，指佢之前河南水災冇捐錢及喺奧運期間冇支持內地運動員，只有轉發內地傳媒祝賀張家朗奪金牌嘅貼文。
按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！
