被睇好做視帝 譚俊彥：承你哋貴言

譚俊彥坦言今年是其幸運年。

譚俊彥（Shaun）憑台慶劇《換命真相》競逐無綫視帝寶座，入行21年的他不諱言今年是幸運年，除了因與韓劇《魷魚遊戲》主角李政宰撞樣而人氣急升，又參與綜藝節目、處境劇、商演及廣告，可謂蹤影處處，佔盡天時地利人和。

今年成績威水

首次打入視帝5強的他坦言對手馬國明、陳展鵬、鄭嘉穎及張振朗都是好戲之人，故對獎項沒有太大想法。身為「狄龍之子」的他，坦言不敢叫父母投他一票，父親亦從來不會讚他，認為永遠都有進步空間：「阿爸認為事業家庭都要並重，我會push自己再做好啲，其實就算我攞獎，佢都唔會讚，會話千祈唔好樂極忘形，因為會樂極生悲。」雖然攞獎與否仍是未知之數，但Shaun認為今年成績已算威水，繼早前在《明星運動會》奪「最受歡迎運動員」，之後再贏《男神廚房》「終極廚神」:「屋企有個獎櫃，係放仔女第一名嘅獎座，我將呢兩個獎放咗入去，每日喺跑步機跑步時對住，當跑到攰就望一望，當然希望可以放多個獎啦！」

另外，日前5位視帝候選人為無綫台慶頒獎禮拍場刊，馬國明及鄭嘉穎均睇好譚俊彥，譚俊彥笑言：「我要多謝兩位師兄咁客氣，尤其馬國明，佢曾經同我講過好多鼓勵我嘅說話，多謝你哋，亦都承你哋貴言呀。」

譚俊彥（左起）、鄭嘉穎、馬國明、張振朗與陳展鵬都是好戲之人。