遇有同理心老細 60%打工仔稱願意減薪

一份工之所以惡頂，通常問題都唔係出喺工作上，而係人嘅身上。據科技公司Businessolver 一個調查顯示，有95%受訪打工仔話，願意留喺一間諒解員工所需嘅公司，並有60%稱願意減薪；相反，如果間公司老細唔識體諒人，就有79%受訪者稱會考慮辭工。

  【相關搜尋】AI預測死亡  

該調查訪問了1000名打工仔，並就唔同嘅職場行為，以公司嘅同理心程度進行評分。結果發現，打工仔女以不同方式來定義公司嘅同理心，包括諒解員工請假照顧患病家屬，以及對彈性上班時間需求，還有老細是否願意花時間一對一和員工談談工作上的挑戰等。

另外，更有81%表示，只要公司肯諒解員工，員工就算開工時間長啲都願意。至於唔嫌工時長啲願意減薪嘅行業，頭三位有科技業、健康護理業和金融服務業。

事實上，另一個 Center for Creative Leadership嘅研究亦得出類似結果。數據顯示，同理心和工作表現成正比，皆因一份諒解，為打工仔女創造了一個滿有支持和保護的工作氛圍。

所謂「己所不欲，勿施於人」，職場上若能待人多一點諒解，少一點燥低，返工呢件事會開心好多啦。

來源：CNBC

===================

19網輕鬆爆料熱線，歡迎舉報老細同事19惡行，立即click入去講畀我哋知啦