黃宗澤帶埋底褲替換 蔡思貝Chok甫露Bra

蔡思貝玩得投入，出盡力擺甫士。

黃宗澤（Bosco）與蔡思貝前晚為《開心無敵獎門人》擔任嘉賓，遊戲經驗豐富的Bosco做好濕身準備，帶備底褲替換；思貝輸經驗欠準備，玩擺甫士遊戲時更失守露Bra！

黃宗澤、蔡思貝、陳煒、劉佩玥、草蜢成員蔡一傑與蘇志威等，前晚在將軍澳電視城錄影節目《開心無敵獎門人》，玩擺甫士遊戲時，思貝舉起手落力表現，忘形得連露出喱士胸圍都不知，玩得投入。至於蔡一傑應「獎門人」要求，連擺5個Chok甫作個人表演，堪稱「甫士王」！

Bosco難忘曾與張家輝擘髀玩遊戲，事後大髀筋痛了多日，經驗豐富的他今次做好濕身準備，帶備底褲替換，並大爆思貝輸經驗，沒有帶後備內褲，思貝笑說：「冇問題，濕完又乾，又係一條好漢！」

開工鬥眼瞓

提到吳卓羲在內地節目時大爆拍攝無綫劇7日沒睡覺的辛酸，Bosco表示：「我仲勁過佢，10、11日冇瞓覺，惟有一有時間就瞇埋眼休息。當時冇得瞓梗係辛苦啦，但係都係一個過程，所以TVB出去嘅演員都係好捱得！」思貝則稱最長是4日沒睡覺。

至於蔡一傑最難忘是當年在《獎門人》食辣辣壽司食到入醫院：「食完辣辣壽司之後入咗醫院，連志偉都唔知！我係『玻璃胃』，今次同志偉講明唔食辣辣壽司。」講到胡楓因確診要叫停演唱會，傑仔指今次錄影不齊人，全因哥哥蔡一智身邊有疑似確診個案，為安全起見而缺席。問到快將開騷，會否閉關減低中招風險？他表示：「會盡量少啲見人，我哋依家開會、綵排之前都一定會做檢測。」問到會否加場？蘇志威表示：「唔知有冇期可以加，依家做演唱會有好多指引、手續要做。」

黃宗澤玩到幾乎瞓地，出手護住「小Bosco」！

黃宗澤、蔡思貝、陳煒及劉佩玥等組隊玩遊戲，一出場即晒隊形！