【移民英國】BNO身份可以先做「太空人」?兩大關卡要留意

·3 分鐘文章
bno身份可以先做「太空人」?兩大關卡要留意
持BNO身份移居英國港人想留港做「太空人」,須要留心兩大關卡。

英國政府新公布放寬BNO身份港人可選擇與家人在不同時間赴英,變相容許港人做「太空人」。不過有兩大關卡須要留心。

子女年齡關卡

唔少人關心用BNO身份移居英國,能否以「太空人」方式讓其中一人留港工作賺錢,原因係英國專業人才多到滿瀉,強如資深律師都寧願捱每年打風季節到避稅天堂開曼群島搵真銀,亦有唔少英國I.T.人及老師來香港賺高人工。可見香港專業人士移居英國後要做返本行及賺取相若收入有相當難度。到英國轉行固然係一大壓力,遲遲未搵到可以養起頭家收入,只會持續消耗帶去英國的「老本」。由其中一人留港做「太空人」,確實可以減輕唔少家庭經濟壓力。

英國政府更新申請細節,要求持BNO身份港人以家庭單位申請,須與家庭成員一同申請BNO留英簽證,主要申請人先申請後可獲得一組參考號碼(Unique Reference Number),其他家庭成員申請時須要提供這組參考號碼。

第一項值得留意關卡就係家庭成員定義,公告中有關家庭成員定義特別提到,年齡在18歲以下子女在英國必須與父母同住,除非提供到充分理由(Good Reason)子女不能與父母同住(圖1)。假如子女未滿18歲,父母以BNO身份申請移居英國,其中一人選擇留港做「太空人」就不能符合這項要求。

bno身份可以先做「太空人」?兩大關卡要留意
圖1

申請居英不能「同步」

更新資料提到申請人與家庭成員在不同時間抵達英國,將不可以同時取得居留資格,較遲登陸英國的申請人或家庭成員需要作進一步申請(圖2)以符合居留英國五年、再逗留一年申請居英權要求

bno身份可以先做「太空人」?兩大關卡要留意
圖2

對有意移居英國港人父母來講,要啟動「太空人」計劃最大難關係子女年齡。所以新規定較適合子女年齡18歲又有意到英國升學,父母其中一人亦想先到英國落腳搵屋、搵工或創業。

當然不排除部分人會有較「激進」想法,例如父母其中一人提供患上抑鬱症證明作為18歲以下子女不能同住的充分理由。假如父母二人都有BNO身份,甚至會仿效內地人為買多層樓「離婚」做法,先「離婚」由其中一人攜同子女申請赴英,餘下一人就可以留港做「太空人」。不過參考內地人「離婚」買樓經驗,唔少人最終假都變真,有此「激進」想法父母必須三思。

bno身份可以先做「太空人」?兩大關卡要留意
圖3

除了申請人與家庭成員赴英時間增加彈性,更新資料亦提到申請人財力證明可包括租金及自僱收入,還有來自朋友或家人財政支援證明信(圖3)。假如憂慮銀行戶口較「寒底」不達標,就可能要搵家人、知心好友幫手整封英文信加財力證明增加申請勝算。

伸延閱讀:

【移民英國】持BNO港人經LOTR提早登陸英國 當地工作開綠燈

【BNO續領】BNO可留英國五年再入籍可享邊啲福利

【移居英國】英國租樓不能避免的中伏位

【移民英國】一家人去伯明翰要預幾多生活費?

【移民英國】一家人去列斯要預幾多生活費?租務市場表現係點?

【離岸戶口】英國銀行Barclays及Lloyds國際戶口開戶教學