【居屋揀樓情報】鑽石山「啟翔苑」近沽清！仲有咩鐵路居屋揀？

新「居屋2020」樓王鑽石山「啟翔苑」差不多沽清，如果想吼鐵路新居屋，可能要轉戰馬鞍山「錦駿苑」，因為屋苑離馬鐵大水坑站只是約5分鐘步距，但揀樓又有咩要注意？

下載Yahoo財經APP
美股、外匯、加密貨幣免費即時報價，自選投資組合獲取相關新聞提示。

據悉，至今「居屋2020」累售1,498個單位，約佔今次新居屋供應兩成，當中綠表516個及白表982個。其中，鑽石山「啟翔苑」已售出逾846伙，佔總數90%，尚餘未揀的5伙，全數屬於低層單位，意味受公路車聲的影響較大。另一受歡迎的馬鞍山「錦駿苑」則仍有不少選擇，僅累售逾426伙，佔屋苑總數兩成。

揀「錦駿苑」有兩點要注意

第一點，就是屋苑座數分布，「錦駿苑」共由五座組成，A、B、C、D及E座，位於中間的C座提供開放式戶型單位。該苑面積介乎311呎至494呎，售價189萬至387萬元，戶型大致分為開放式至2房。由於「錦駿苑」地盤呈長條型，買家要留意，最近港鐵大水坑站一方是A座單位，步行港鐵站只需約5分鐘，而E座距離港鐵站最遠，至少要步行逾10分鐘。

第二，就是景觀。景觀主要分兩類，一類是向西及西北單位，高層有機會望到海景，向西及西北的單位包括是A、B座1、2、9、及10室，C座2至5室，以及D、E座的4至9室。另一類是向東南及東北單位，主要望山景，大多是一房戶型，包括是A及B座的3至8室、C座的6至11室，以及D及E座的1至3及10至11室。

仲有，「錦駿苑」鄰近馬鞍山路，準買家要有心理準備，向西及低層住戶受到汽車噪音騷擾。