【財經TOP SEARCH】內房物管股跌入停牌黑洞？

【Now財經台】截至早上11時止，1小時內《彭博》用戶關注度上升最多港股，依次為中國奧園(03883)、融信中國(03301)、保利協鑫能源(03800)、中國華融(02799)及中遠海控(01919)。

奧園原本噚日出業績，但最終都出唔到，股份今日起停牌，其實今朝有超過30隻股份宣布停牌，唔少係內房物管股，到底要停牌幾耐？

大華繼顯執行董事梁偉源指，唔少内房股因為交唔到審核報告而須停牌，公司可以先交未經審核報告頂住先，但奧園認爲咁樣可能會惹嚟誤導，所以決定直接停牌。

至於要停牌幾耐，Steven認爲要視乎公司情況，依家好難估計，去年有內房股因為交唔到審核報告，要停牌7至9個月不等。