馬斯克被揭購1萬GPU開展AI項目 曾呼籲停研AI 6個月
Tesla執行長、Twitter行政總裁馬斯克早前有份簽署公開信,呼籲暫停研究先進人工智能6個月,等各界審訂各種道德協議。不過,有外媒報導,馬斯克推動緊新嘅生成式人工智能專案,亦為左咁買咗1萬個繪圖處理器GPU。 報道引述消息指,社交平台Twitter已經採購咗一萬個GPU,又喺另一間知名人工智能公司DeepMind挖角,將會利用Twitter嘅大數據黎訓練模型,不過暫時未知道研究目的,或者會用黎改善Twitter嘅搜尋功能。 馬斯克早前曾經聯合多人呼籲,要停止訓練比ChatGPT更強大嘅AI最少6個月,以便政府以及科學界定下道德協議。