【熱話】網民最新返工須知

繼8月5日大罷工交通塞晒之後，加埋尋日嘅各區警民混戰，警員一槍射人爆眼，再加催淚彈毒氣籠罩車站，唔少打工仔都討論究竟今日仲返唔返到工，但主力都係講點樣先返到工。

例如之前有教叫大家齊心嗌人離開，結果一啲成效都無，最後塞足大半日，好多打工仔都要home office。

原來有網民早已集思廣益，諗定一堆橋，誓死要返工，誓要向老闆盡忠。

方法一：千祈唔好先郁手同講粗口，唔好比機會班人搞大宣傳。

方法二：不斷嗌同一口號「離開」、「開車」，表達意願。

方法三：記得開手機錄影，保障自己同時可能發現目標人物。

方法四：有網民要求地鐵修例提高刑罰，搵職員，多協助市民返工。

方法五：用標語(中文，英文)表達意願，內容要簡單清晰最好，做圖表達更佳，可以多印俾其他市民。

方法六：唔好再增加任何衝突和矛盾，見有市民衝動時要勸阻，月台人多有混亂會有危險，愈亂你愈返唔到工。

方法七：唔好用衫嘅顏色界定人，睇定啲。

方法八：發現有人阻礙車門關閉，首先長期唔好理，喺再關門時，先一嘢扯佢返入車箱，笑住同佢講：我驚你夾親呀，又唔知你背包有無貴重物品，夾爛就唔好啦！

如果用晒呢啲方法你都返唔到工，咁就當打咗場八號波算啦，小編一向支鼓勵人，應認真時認真，有時不必太認真。

來源：香討

===================

19網輕鬆爆料熱線，歡迎舉報老細同事19惡行，立即click入去講畀我哋知啦