雅虎香港財經 今日我咁睇｜港股升唔停 散戶心郁郁 係時間準備走人｜小編苟豪
港股昨日又再升多百幾點，#恆指兩萬點 已經不再是小編一家之言，很多亦開始跟風話兩萬點，包括媒體或股評人。
除咗用嚟認叻之外，小編咁講都係想大家知道散戶隨時又會開始準備入市，所以要開始小心升勢暫時告一段落，學股神 #畢菲特，在眾人恐慌時貪婪，在眾人貪婪時恐慌。當然小編不是單看所謂市場人士或報紙分析，而是在參考 #恆指牛熊證街貨比例，牛證終於佔比提高，反映開始更多散戶博反彈。
股市沒有非黑即白，小編開始沒那麼看好，並不代表小編建議大家在現階段反手造淡，因為低位反彈可以夾到你唔信，之前有估恆指無法10連升，便輸到褲都甩。所以如果現價造淡，自行承擔風險。
實際上，恆指上升的原因並沒有發生根本改變，只是股價逐步反映有關因素。因此，小編仍然傾向是恆指上升動力逐步減弱，而不是180度改變睇淡。當然隨着兩萬點逐步接近，重貨的朋友可以考慮先行沽出部份股份，沒有必要一定要堅持在最高位沽貨。如果認為目標兩萬點，小編便可能在19300、19500、19800點等位置分批沽貨。
最後再次提一提大家，#中國人民銀行 在五月有不少機會會調低存款準備金率，因此現階段淡友不會急於造淡，走貨的速度不用急，也不用太快。
今日總結是兩萬點目標不變，只是提醒重貨者開始部署走貨。
