【移民英國】居英港人分享英國租屋親身經驗 封城點睇樓?點樣揀租盤地區?

·5 分鐘文章
居英港人分享英國租屋親身經驗 封城點睇樓?點樣揀租盤地區?
初到英國想搵租盤,第一步係先以交通、租金、治安、社區複雜度、校網比較唔同地區,揀出適合自己地區再發掘區內租盤。

初登陸英國,唔少人都會選擇先租樓。今次就由居英港人燒賣親身分享在英國搵租盤經驗,第一步就由揀進駐地區講起。

近幾個月,每個香港人身邊都有朋友準備或已經移居英國。移居外地第一件大事,當然就是搵間屋settle down。講英國買樓、租樓的網上資訊多不勝數,筆者不如在此分享一下自己在倫敦落腳的親身經驗,看看是否有些值得參考的地方。

封城增添搵盤難度

筆者由入境英國、上網搵樓盤、約睇樓,至完成整個租樓程序,大概用了兩個星期時間,應該尚算是順利吧。正值英國全國二次封城,很多朋友都問,封城對於搵樓有否影響?答案是:細節上有些微影響,實際上問題不大。

例如,樓盤不能隨便開放,睇樓必須要事先預約;地產中介不能以車接載你去睇樓,所以如果你一日之內要睇幾個樓盤,初來埗到未買車又沒有租車,英國地方大,即使只是睇同一區的樓盤,也要預計足夠時間步行;睇樓的時候如果間屋有住客,中介會請住客稍移至花園或門外,睇樓人士方可進入屋內;同一時段亦不可以有超過一個家庭逗留在單位內。

筆者接觸過其中一間比較嚴謹的地產代理,在進屋後所有門的把手、電掣,只要睇樓人士觸碰過,他都不會接觸,所以如果睇樓人士有開窗、開燈等,在睇完樓離開之時,他也會要求睇樓人士協助關燈等。不過,也因為疫情的原因,有較多地產代理願意為樓盤拍攝質素較好的短片,這些短片作為初步的參考,對於選擇心水樓盤很有幫助。在筆者的朋友當中,甚至有人在離港之前遙距睇片已能作出決定,在出發前已經簽好租約的。筆者自己則比較重視現場感覺,還是要親身到實地視察才安心。

五項揀區因素,都有相關嘅網站提供參考數據方便比對。
五項揀區因素,都有相關嘅網站提供參考數據方便比對。

揀區五大考慮因素

想要順利在短時間內租樓,事前要做的功課不可少。筆者選擇在倫敦落腳,在搜集資料期間,首先決定的是想住在倫敦的哪一區,縮窄範圍後才開始搵樓盤。人生路不熟,沒有機會實地考察,又怎知道哪一區好住呢?新手不妨從五大因素去考慮,而且今時今日在網上很輕易能找到數據等資料,五項因素都有相關網站提供數據畀你參考比較。

租金:倫敦地大,交通費高,各區租金差距亦很大。在London Rents Map可以看到倫敦租金概況,可以選擇看一房/兩房/三房的各區平均租金,看看自己財力可以負擔幾多租金才決定。如同世界其他大城市一樣,越近市中心地區,租金越高。

地區複雜度:香港租樓,大家揀區時都會留心區內有幾「雜」。在倫敦租樓都一樣,Overview of London Boroughs用圖表列出倫敦三十二個行政區的貧窮和不平等概況,列出失業率、出生率、街頭露宿數目等等作比較。圖中紅色較多的地區,大致上可以歸納為是比較多窮人、較為破舊的地區。

校網:家長都想幫仔女搵間好學校,揀區必定會留意校網。免費版Locrating只要輸入郵政編碼,就會顯示鄰近學校分布,並以五種顏色顯示視學評級。收費版就可以睇埋由Zoopla提供的學校附近租盤及居住環境資料。另外英國教育局嘅London Datastore,會就唔同區域學校作數據比對,包括公開試成績、不同族裔學生比例、公立及私立學校數目分布等。

交通:初步選擇了某一區,可以到倫敦交通概覽Tube and Rail先查一查交通概況。倫敦交通網絡複雜,要工作的朋友租屋時也可能需要預估自己可能工作的地點,考慮每日所需的交通時間。

治安:想住得安心,當然要揀治安較好嘅地區。在倫敦警察治安報告網頁,輸入郵遞區號,就會顯示近期區內唔同類別罪案數字,從而判斷呢個地區治安有幾好。

綜合各項資料,筆者就初步決定想住倫敦南面的Croydon區。該區各項指數都不太差,雖然位置屬於 Zone 5,沒有地鐵覆蓋,但是乘坐火車到市中心區也只需15分鐘。總之,首先決定想住哪一區,然後就可以開始在地產網站搵樓盤,三大網站:RightmoveZooplaOnTheMarket 筆者都有用過,下文再講如何找到心水樓盤和其他租樓細節。

伸延閱讀:

【英國買樓】點解英國地產代理成日唔覆E-Mail?

【移民英國】點樣應對英國自來水及時差?

【熱愛磚頭】英國物業考察之旅心得(李紫晶)

【移民英國】英國速成電單車+買二手車教學

【移民英國】拎BNO轉永居要過語文通識兩關

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能